Kremniy vodiysi

Iqtidorli dasturchi Richard Xendriks "Silicon Valley" serialining markazida. U yirik internet kompaniyada ishlash bilan birga o'zining musiqiy saytini yaratishga kirishadi. Richard tasodifan musiqani sifatni yo'qotmasdan siqish texnologiyasini yaratib, uni katta investorlarga tanishtiradi. Milionerlardan biri unga texnologiyani 10 million dollarga sotib olishni taklif qiladi, ikkinchisi esa startapni rivojlantirish uchun 200 ming dollar sarmoya kiritmoqchi. Richard ikkinchi yo'lni tanlaydi va bir guruh dasturchilar bilan orzusi sari intiladi. Lekin muammo shundaki, ular kod yozishda kuchli bo‘lsa-da, biznes sohasida mutlaqo tajribasiz...